واخيراً خلصنا

قالو ان فيه ثوره والناس فى كل مكان
سرحت
قالو جحا اتنحى خلاص راحت الاحزان
فرحت
والناس خدت بعض بالاحضان
و قعدوا يسترجعوا زكريات زمان
ورفعوا شعار الامن والامان
بس نسيو يحطوه على الحمامات
فى الفين وحداشر ياناس
الحمامات بقى ليها لون تانى
بقى فيها غش كتير غيرلى افكارى
قالوا النظافه من الايمان
والطلبه بقت اوسخ من الاول
حطوا مراقبين سمكروا البيبان
الطلبه بقت افجر من الاول
علموهم اداب وعلوب بيئه وانسان
والجهل بقى ابشع من الاول
والكلام على الايدين مليان
و ورقه من واحد لواحد بتتحول
ويخرجوا ياخدوا بعض بالاحضان
بس الحضن مش صافى زى الاول
من حقنا نحلم ولو كده وكده
ونشوف دنيتنا حلوه
مع انها مش كده
نفرح يومين تلاته والحال طول عمره كده
احبك لما تستعبط وميكونش عندك ودان
وتنقل الامتحان كلو من عالحيطان
والمراقب اريال او حتى شيطان
مهو كل حاجه دلوقتى بقت تمشى كده
ياللى مفكر ان الوحده حلوه
صدقنى عمرها ماكانت كده
اسأل مجرب كان وحيد لجنته
متعرفش عمل ايه فى دنيته
عشان يرموه فى حته مش حتته
وورقه صغيره مدخلتش زمته
ولاحط ملازم فى جيوب جاكتته
يقوم يطلع يتصدم بكل الناس
دول والنعمه دى بيبرشموا اللباس
ويقولو احنا شباب الثوره
ياخى احمد
بتاع الحشيش
جاب اربعه وتسعين
اصل الصنف كان عالى
والمراقب برضه غالى
والقميص من جوه مالى
وفالاخر يبقى حالو -احسن- من حالى
وتقولولى ماشيه كده
..
بس نرجع ونقول
الحمد لله خلصنا الامتحانات
وكويس اننا خرجنا بدون اصابات
معادش فيه اساتذه عاهات
ولامدير مدرسه نظارته مرايات
وفطيره وكيس شيبسى وطوابير
وطلبه مرصوصين ولا احلى حمير
وفجأه تشتغل الصفافير
ونعيد التحيه عشر مرات
احنا اللى عدينا من كل الازمات
وعدى علينا 3 وزارات
غير سته وثوره وفلول وحكومات
بكره ييجى دور الجامعات
هندخل ونعيش ونبطل تشات
بس ياخوفى بكره نلاقى الخازوق
ورانا ورانا
جوه فالكليات