سذاجه

انا دايما من اللي بيقلقوا





من جملة  (هذا العرض ل فترة محدودة)





بخاف ملحقش



أصدق كلمة البياع



و أقوم شاري



و أصدّق كلمة ال  كبساااااااا



أقوم جاري



صدّقت كل اللي اتحكالي زمان



قالولي أبو رجل مسلوخة



حكاوي أمنا الغولة



و كنت بغششك دايما



و دايما تطلعي الأولى



و اسقفلك أوي بإعجاب



و أنا داري



أنا صدقت سجاني



أنا دايما بصد الفرح .. لو جاني



بعيط ع البَطَل دايما و لو .. جاني



أنا دايما من اللي بيجروا ع الحاجة



أي حاجة



معاها عرض مجاني



أعوز بنطلون اسود



يليق على عيني و حزامى




أنا صدّقت كل الناس






أنا  صدقت ابله العلوم لما



قالتلي البوسة بس بتنجب الأطفال



و إن الدَرس دا لاغي



أنا



مخدتش حقي ف الألعاب و أنا صغير



و كلّه لعبلي ف .. دماغي