أنا خايف أنام بالليل
أقوم مصحاش
و خايف برضه أنام ف النور
يروح النور
ف ديل الشمس
... ملحقهاش
و خايف أنام يسهّوني
و يقطعوا مَيِّة الأحلام
ف متوضّاش
و خايف أنام على الرملَة
ف وش البحر
يهيج البحر
يسحبني
ف موج عَطَّاش
و خايف أنام ف أحضانك
ف ترميني
أموت م البرد
أروح ببلاش
أنا حفضل كدا صاحي ل حين إشعار
و حفضل أقولّك الأشعار
و أطير ف الضَلْمَة ك الخُفَّاش
أقوم مصحاش
و خايف برضه أنام ف النور
يروح النور
ف ديل الشمس
... ملحقهاش
و خايف أنام يسهّوني
و يقطعوا مَيِّة الأحلام
ف متوضّاش
و خايف أنام على الرملَة
ف وش البحر
يهيج البحر
يسحبني
ف موج عَطَّاش
و خايف أنام ف أحضانك
ف ترميني
أموت م البرد
أروح ببلاش
أنا حفضل كدا صاحي ل حين إشعار
و حفضل أقولّك الأشعار
و أطير ف الضَلْمَة ك الخُفَّاش
0 التعليقات:
إرسال تعليق